काठमाडौं– विराटनगरको हाटखोलामा एनसेलले आफ्ना ग्राहक तथा शुभचिन्तकसँग खुसियाली साटासाट गर्न ‘एनसेल मेला २०७४’ गर्ने भएको छ ।
गतसाता पोखरामा भव्य रूपमा आयोजना पश्चात यो मेला विराटनगरमा आयोजना गर्न लागिएको हो । पोखरेली दर्शक र पर्यटकको मन जित्न सफल यो मेलाले विराटनगरमा पनि मनोरञ्जन प्रदान गर्ने विश्वास लिइएको छ । शनिबार हुने मेलामा दर्शकले मनोरञ्जन लिन सक्नेछन् । मेलामा विभिन्न खेल लगायत सबै मनोरञ्जनात्मक गतिविधी ‘फोरजी थिम’मा आधारित हुनेछन् । दर्शकले चर्चित गायक तथा सांगीतिक समुहको प्रस्तुतिबाट आनन्द लिन सक्नेछन् ।
मेलामा कलाकारहरू शिव परियार, आशिष राना (लाउरे), सांगीतिक समुहमा कबवेभ र द एजले आफ्नो प्रस्तुति राख्दै दर्शकलाई मनोरञ्जन प्रदान गर्नेछन् । रोडिजका विजेता समन श्रेष्ठ र फस्ट रनर अप अनिमेश शाही पनि मेलामा सहभागी रहनेछन् । त्यसैगरी स–सानाबालबालिकाको गायन प्रतिभा उजागर गर्न मेलामा ‘जुनियर सिङ्गिङ आइडल’ पनि आयोजना गरिनेछ ।
आगन्तुकले मेलामा एनसेलको फोरजी सेवाको बारेमा जानकारी लिनुका साथै विशेष एनसेल फोरजी जोनमा फोरजी इन्टरनेट चलाएर टेष्ट पनि गर्न सक्नेछन् । दर्शकले मेलामा नै आवश्यक कागजात बुझाइ फोरजी सिम खरिद गर्न तथा आफ्नो पुरानो सिमलाई फोरजी सिममा अपग्रेड पनि गर्न सक्नेछन् ।
मेलामा जादु, किडस् जोन र फुड स्टल पनि रहेनछन् । त्यसैगरी, मेलाको अन्य आकर्षणमा फेसबुक ट्यागिङ कन्टेस्ट, ब्लाइण्ड मेकअप, युनिकर्न रिङ् टस जस्ता गेम्स पनि रहनेछन् । पेपर प्लेन थ्रो, मिनी गल्फ, फ्रगजम्प र कार रेस जस्ता फोरजी थिममा आधारित गेम्सले दर्शक तथा आगन्तुकलाई भरपुर मनोरञ्जन प्रदान गर्ने विश्वास लिइएको छ ।
एनसेलका अनुसार, आफ्ना साथीभाई र परिवारजनसँग खुसीयाली साट्दै सन् २०१७ को बिदाई र नयाँवर्ष २०१८ को स्वागत गर्नका लागि एनसेल मेला उपयुक्त कार्यक्रम हुने छ । पोखराबाट सुरु भएको यो मेला पुस २२ गते बुटवलको सिद्घेश्वरी मैदान, दीपनगर र २९ गते ललितपुरको जावलाखेल मैदानमा आयोजना पश्चात समापन हुनेछ ।
