राजपाले निर्वाचनका लागि आज दल दर्ता गर्दै

भाद्र १०, २०७४ राष्ट्रिय जनता पार्टी राजपा नेपालले प्रदेश र संघको निर्वाचनका लागि आज दल दर्ता गर्दैछ । पार्टीका अध्यक्ष मण्डलका नेताहरु विहान ११ बजे निर्वाचन आयोगको कार्यालयमा गएर दल दर्ता गर्ने सो पार्टीका नेता केशव झाले जानकारी दिनुभयो । राजपाले असोज २ गते हुन लागेको तेस्रो चरणको चुनावी प्रचार व्यापक बनाएको छ । उसले चुनावी घोषणापत्र तयारीका लागि ६ सदस्सीय मस्यौदा समिति पनि गठन गरेको छ ।

पाँच दिनभित्र सो समितिले चुनावी घोषणापत्र तयार गरेर अध्यक्ष मण्डलका नेतालाई बुझाउने तयारी भइरहेको नेता झाले बताउनुभयो । राजपाले १४ गतेसम्म उम्मेदवारी चयन गरीसक्ने बताएको छ । हिजोदेखि नै स्थानीय तह निर्वाचनको प्रचार–प्रसारका लागि जिल्लास्थित पार्टीका प्रतिनिधिलाई खटाइसकिएको सो पार्टीले जनाएको छ ।

कान्तिपुर