भुपदेव माली सप्तरी असोज ३१, । भारदहको रोयल सेकेन्ड्री स्कूलमा विभिन्न प्रतियोगिता कार्यक्रम सम्पन्न भएका छन । विद्यालयका भूतपूर्व विधार्थीहरु द्वारा कार्यक्रम आयोजना गरिएका थिए । कार्यक्रमका अध्यक्षता दिनेश्वर यादवले गरेका थिए भने प्रमुख अतिथि रा.ज.पा नेपालका उपाध्यक्ष श्री नवल किशोर साह तथा अतिथिहरुमा हनुमाननगर कंकालिनी नगरपालिका प्रमुख शैलेश साह, उपप्रमुख सरिता यादव एवं वडा नं. ३ वडाअध्यक्ष विजय यादव रहेका थिए ।
विगत ३ दिन देखी संचालित कार्याक्रमका आज अन्तिम दिन भएकाले कार्यक्रममा सहभागी विधार्थीहरु लाई विभिन्न प्रतियोगितावाट उत्कृष्ट भएका लाई पुरस्कार द्वारा पुरस्कृत गरिएका थियो । जसका कक्षा ८ देखि १० सम्मका छात्र– छात्रा सहभागी थिए ।
बिद्यालय परिवार तथा भुतपूर्व विधार्थी परिवार द्वारा हनुमाननगर कंकालिनी नगरपालिका प्रमुख तथा उपप्रमुख एवं ३ नं. वडा अध्यक्ष लाई आफनो कार्यकाल को शुभकामना साथै फूलमाला, अविर र दोसल्ला ओढाई सम्मानीत गरीएका थिए ।
सो कार्यक्रममा विद्यालय परिवार द्वारा विभिन्न भाषा संस्कृतिका गीत– गायन तथा नित्य प्रस्तुत गरिएका थिए । सो कार्यक्रम प्रत्येक बर्ष हुदे आएको जानकारी समेत व्यवस्थापक देवनाथ यादवले उकृत गरे ।
