न्युज 1नेपाल
जेष्ठ ०५ गते,ढाका —बङ्गलादेशमा मुस्लिमहरू हिन्दूमाथि अत्याचार गर्न थालेपछि भारतले स्थल बन्दरगाहमार्फत् बंगलादेशी निर्यातमा प्रतिबन्ध लगाएकोले बंगलादेशको अन्तरिम सरकारले भारतसँगका सबै व्यापारिक समस्या समाधान गर्न तयार रहेको बताएको छ ।
नोबेल पुरस्कार विजेता मुहम्मद युनुसको नेतृत्वमा रहेको अन्तरिम सरकारका सल्लाहकारले बंगलादेश भारतसँग सबै विषयमा छलफल गर्न चाहेको बताएका हुन् ।
हालै भारतले बंगलादेशबाट सडकमार्फत् तयारी पोसाक (रेडिमेड गार्मेन्ट, आरएमजी) फलफूल तथा फलफूलको स्वादयुक्त तथा कार्बोनेटेड पेय पदार्थ, बेक गरिएका सामान, स्न्याक्स, चिप्स र कन्फेक्सनरी, कपास र कपासको धागो, प्लास्टिक र पिभिसी तयारी सामान र काठका फर्निचरको आयातमा प्रतिबन्ध लगाएको थियो ।यसअघि बंगलादेशले भारतबाट स्थलमार्ग हुँदै भित्रने धागोमा प्रतिबन्ध लगाएको थियो । भारतले बंगलादेशबाट तेस्रो देशमा सामान निर्यात गर्ने ट्रान्स–सिपमेन्ट सुविधा पनि रद्द गरेको थियो । व्यापार प्रतिबन्धले बङ्गलादेशलाई प्रभावित पारेको थियो। दुई छिमेकी देशबीच पारस्परिक व्यापार प्रतिबन्धहरू लगाइएपछि सम्बन्ध चिसिएको हो ।
