पर्सा । नारायणी उपक्षेत्रीय अस्पताल वीरगञ्जबाट भागेका दुईजना कोरोनाभाइस संक्रमित फेला परेका छन्।
भागेका मध्ये एकजना बन्द रहेको फिल्म हलमा भेटिए भने अर्का संक्रमित उनकै घर भित्र फेला परेको जनाइएको छ ।
कोरोना संक्रमण पुष्टि भएपछि मंगलबार नारायणी उपक्षेत्रीय अस्पताल वीरगञ्जमा उपचाररत दुईजना अस्पतालबाट भागेका थिए । मंगलबार पर्सामा ५७ जना संक्रमित भेटिएका थिए।
उनीहरु अस्पतालबाट भागेलगत्तै खोजीकार्य शुरु गरिएको थियो। उनीहरु अस्पतालको शौचालयको झ्यालबाट भागेको बताइएको छ।
वीरगञ्जको नारायणी अस्पतालमा ६९ जना कोरोना संक्रमित उपचाररत छन्।