सुनसरी । विभिन्न राजनीतिक दलहरु सँग नजिक रहेर शक्तिको आडमा अबैध धन्दा गर्दै आएका सप्तरीका क्रिस भन्ने कृष्णकुमार यादब सुनसरीबाट पक्राउ परेका छन ।
६ जना ब्यक्तिको हत्या गरेको आरोप लाग्दै आएका यादवलाई सुनसरी प्रहरीले पक्राउ गरेको हो ।
ज्वाला सिंहमा हिड्दा ६ जना मान्छे मारेको उनी माथी आरोप छ । नेकपा र जनता समाजवादी पार्टीका नेता उपेन्द्र यादब र अहिले विप्लव सम्मलाई सहयोग गर्दै आएको प्रहरी अधिकारीहरु बताउँछन । शक्तिको आडमा उधुम मच्चाउँदै आएका उनको साथबाट सुनसरी प्रहरी एक थान पेस्तोल र ३ थान गोली र ठुलो मात्रामा लागुऔषध सहित पक्राउ परेको सुनसरी प्रहरीले जनाएको छ ।
भारतीय नम्बर प्लेटको गाडीमा सप्तरीबाट सुनसरी आउँदै गरेका उनी सँग दुई थान ठुला हतियार छ भनेर प्रहरीले खनतालासी गर्दै एक थान मात्र हरियार फेला परेको प्रहरी बताउँछ । कोशी पुल बन्न ठेक्का लिने १५ जना ठेकेदारहरु ५० लाखको दरले प्रशासन मिलाउनु पर्छ भन्दै फिरोती मागेको प्रहरी अधिकारी बताउँछन ।
उनी सुनसरीमै ३ महिना अगाडी पनि पक्राउ परेका थिए । तर विभिन्न राजनीतिक दलको सोर्समा उनी छुटन सफल भएको प्रहरी स्रोत्र बताउँछ । सप्तरीमा तत्कालीन इन्स्पेक्टर ज्ञानेन्द्र फुयालको पेस्तोल खोस्ने उनै यादब हुन । साथै उनले विभिन्न समयमा ६ जनाको मोर्डर गरेको भन्दै प्रहरीले अनुसन्धान सुरु गरेको छ ।
सुनसरी र सप्तरीका ठुला प्रोजेक्टमा फिरौती रकम माग्ने र विभिन्न राजनीतिक दललाई प्रयोग गर्दै आएको बताईएको छ । भारतीय गाडी लिएर लकडाउनको समयमा उनी सप्तरी सुनसरी र हिड्ने गरेका छन । लामो समय देखि अपराधिक गतिविधिमा संलग्न यादवको विषयमा थप अनुसन्धान भईरहेको जिल्ला प्रहरी कार्यलय सुनसरीका एसपी कमल थापाले बताए । संम्भार सञ्चार पाटी
