पौष २३ गते, सप्तरी।
नेपाली काँग्रेस परित्याग गरि दर्जनौ संख्यामा जसपा नेपालमा प्रवेश गरेका छन् ।
जनतासंग जसपा नेपाल आधारभुत संगठन निर्माण अभियान अन्तर्गत सप्तरीको राजगढ गाउँपालिका वडा नम्बर ३ जौहरा कमिटी द्वारा आयोजित एक कार्यक्रम बिच उपेन्द्र नारायण यादवको नेतृत्वमा उनीहरु जसपा नेपाल प्रवेश गरेका हुन् ।
जसपा नेपाल वडा नम्बर ३ का अध्यक्ष विशेश्वर यादवको अध्यक्षतामा सम्पन्न कार्यक्रममा केन्द्रीय सचिब शैलेन्द्र प्रसाद साह, केन्द्रीय सदस्य एवम् राजगढ गाउँपलिकाकी प्रमुख अभियानता रमिला देवी साह, केन्द्रीय सदस्य एवम् पूर्व प्रदेश साँसद विदेश्वर प्रसाद यादव ( विक्की) द्वारा पार्टी सदस्यता प्रदान गर्दै टीका एवं माला लगाएर नवप्रवेशीहरुलाई स्वागत गरेका थिए।
सम्पन्न कार्यक्रममा यादवको नेतृत्वमा आनन्द साह, तेजु सदा, हरेराम मण्डल लगायत २६ जना नेपाली काँग्रेस परित्याग गरि जसपा नेपालमा प्रवेश गरेको राजगढ गाउँपलिकाकी प्रमुख अभियानता रमिला साहले बताईन्।
गाउँपालिका कोषाध्यक्ष रघुनन्दन पण्डितले मञ्च सञ्चालन गरेको कार्यक्रममा प्रदेश सदस्य सुरेन्द्र यादव,पूर्व सदस्य शिवशंकर यादव, जिल्ला उपसचिव निलेश कुमार झा,राजगढ गाउँपालिकाकी उपाध्यक्ष रेणु कुमारी मण्डल, निर्वाचन क्षेत्र नम्बर ३ का अध्यक्ष कमलदेव यादव, राजगढ गाउँपालिका अध्यक्ष ललित कुमार सिंहलगायतका स्थानीय नेताकार्यकर्ताहरुको उपस्थिति रहेको थियो ।
