भूपदेव माली
माघ ६ गते, सप्तरी।
धर्मिहल्फा महिला विकास क्लब द्वारा ३ वटा पालिकाका ज्येष्ठ नागरिकहरुलाई ब्ल्यांकेट वितरण गरेका छन् ।
धर्मीहल्फा महिला विकास क्लबका अध्यक्ष ईन्जिनियर सूर्य नारायण यादवले डाक्नेश्वरी नगरपालिका, शम्भुनाथ नगरपालिका र विष्णुपुर गाउँपालिकाका ज्येष्ठ नागरिकलाई जाडोबाट जोगिन आइतबार ब्ल्यांकेट वितरण गरेका हुन् ।
पछिल्लो समय शीतलहरसंगै बढेको ठण्ढीबाट जोगाउन सानो प्रयास स्वरुप शम्भूनाथ नगरपालिका १२ अर्नाहा, डाकनेश्वरी नगरपालिका ९ पथलगडा र विष्णुपुर गाउँपालिका-२ मलेकपुरका विपन्न निसहाय वृद्धवृद्धालाई संस्थाको तर्फबाट १/१ थान बल्यांकेट प्रदान गरिएको संस्थाको अध्यक्ष एवम् समाजसेवी इन्जिनियर यादवले बताए ।
कम्बल वितरण गर्ने सो अवसरमा डाकनेश्वरी नगरपालिका वडा नम्बर ९ का वडा अध्यक्ष कर्णदेव चौधरी, प्रहरी चौकी पथरगडाका प्रमुख, प्रहरी नायव निरीक्षक बैद्यनाथलाल यादव, प्रहरी सहायक निरीक्षक उमाशंकर राउत, प्रहरी हवलदार जय कुमार साह लगायत स्थानीय बुद्धिजीवी,भर-भलाद्मी, समाजसेवीहरुको उपस्थिति रहेको थियो ।
