न्युज 1नेपाल,
बैसाख १० गते काठमाण्डौ ।
अखिल नेपाल महिला संघ केन्द्रीय युवा कमिटीले राष्ट्रिय युवा भेला गर्ने तयारी गरिएको छ । यही वैशाख १० गते काठमाडौँमा बैसाख १० गते आयोजना हुने राष्ट्रिय युवा भेलाले आगामी कार्यकालका लागि नयाँ नेतृत्व समेत चयन गर्ने जनाएको छ ।
वर्तमान परिवेशमा युवा महिला र आगामी गन्तव्य विषयक अन्तरक्रियात्मक राष्ट्रिय युवा भेलाका लागि देशभरबाट युवा महिला काठमाडौँ आउने तयारीमा छन् ।
अनेमसंघ केन्द्रीय युवा कमिटीका प्रमुख विन्दु अधिकारीको अनुसार भेलामा देशभरबाट करिब ८ सय भन्दा बढी युवाहरु सहभागी हुने छन्।
भेलामा सात प्रदेशका युवा कमिटीका युवाहरू र जिल्ला कमिटीबाट ३-३ जना प्रतिनिधि सहभागी हुने बताइएको छ । भेलाको उद्घाटन प्रधानमन्त्री तथा नेकपा एमाले अध्यक्ष केपी शर्मा ओलीले गर्ने भएको छ ।
अधिकारीको अनुसार भेलालाई भव्य बनाउन केन्द्रीय युवा कमिटीको विभिन्न चरणको बैठक सम्पन्न भई सकेको छ । कमिटीले आगामी ९ गते पत्रकार सम्मेलन गरी कार्यक्रम बारे पूर्ण जानकरी सार्वजनिक गरिनेछ।
