राजबिराजमा आयोजित क्रिकेट प्रतियोगितामा आज कञ्चनपुर राइनोज विजय

असार २९ गते, राजविराज।
सप्तरीको राजविराजमा संचालित सप्तरी प्राइड लिग क्रिकेट प्रतियोगितामा चौंथो दिनको पहिलो खेलमा कञ्चनरूप राइनोज विजयी भएको छ । आइतबार
राजविराज स्थित पब्लिक विन्देश्वरी माध्यमिक विद्यालयको खेलमैदानमा सम्पन्न खेलमा राजगढ वारियर्सलाई पाँच विकेटले पराजित गर्दै कंचनरूप राईनाेजले जित हाँसिल सफल भएको हो ।
राजगढ वारियरले दिएको १२५ रनको लक्ष्य कञ्चनरूप राइनोजले १६ ओभरमै पाँच विकेट गुमाएर छुन गयो।
राइनोजको ब्याटिङमा ओपनर राकेश कामतले अर्धशतक बनाउने क्रममा २५ बलमा ८ चौका र तीन छक्काको मद्दतले ५४ रन प्रहार गरेका थिए। यस्तै रासिद खानले ३० बलमा ३१ रन तथा रोनक सिंहले २४ बलमा अभिजित रहँदै १७ रन बनाए ।
यता राजगढ वारियर्सका बलर बिक्की पासवान र रोशन यादवले समान दुई विकेट लिए।
यस अघि टस जितेर ब्याटिङ गरेको राजगढ वारियर्सले २० ओभरमा ९ विकेट गुमाएर १२४ रन बनाएको थियो ।
वारियर्सको लागि नयन यादवले सर्वाधिक ३३ रन तथा रोशन यादवले ३२ रन मात्र बनाएका थिए । अजित यादवले १५ तथा मनिष यादवले अविजित १४ रन बनाए ।
कञ्चनरूप राइनोजको बलिङतर्फ राशिद खान, उमेश चौधरी र अभिमन्यु सरदारले समान २ विकेट लिए । मुकेश सिंहको नाममा १ विकेट रह्यो ।
खेलको प्लेयर अफ द म्याच कञ्चनरुप राइनोजका राकेश कामत घोषित भएका छन् । उनलाई २ हजार १ सय नगद रु बाट  पुरस्कृत  गरे ।