राजविराज। माध्यमिक शिक्षा परीक्षा एसइई छैठो दिन अनिवार्य जनसंख्या तथा बातावरण शिक्षा बिषयको परिक्षामा अमर्यादित क्रियाकलाप गर्ने एक जना निरिक्षकलाई आज निस्कासन गरेको छ ।
प्रमुख जिल्ला अधिकार भागिरथ पाण्डेय र जिल्ला शिक्षा अधिकारी डोलराज पाण्डेको नेतृत्वमा खटिएको अनुगमन टोलीले जिल्लाको शम्भुनाथ नगरपालिका अन्र्तगत रामदयाल उ।मावि कचनदाहा परिक्षा केन्द्रबाट निरिक्षक शिवनारायण दासलाई निस्कासन गरेको प्रहरी उपरिक्षक मुकेश कमार सिँहले जानकारी दिनुभयो ।
परीक्षामा मर्यादा बिपरित लपार्वाही र चिट चोराएको भन्दै निरिक्षक दासलाई निस्कासन गरिएको प्रहरी उपरिक्षक सिँहले बताउनुभयो ।
यस्तै एसइई परीक्षामा मर्यादा बिपरित कार्य गर्ने जनप्रवहात मावि परिक्षा केन्द्र दोलतपुरबाट समेत एउटा निरिक्षकलाई निस्कासित गरेको छ ।
निरिक्षक दयाराम सिन्हालाई चिट चोराएको आरोपमा निस्कासन गरिएको जिल्ला शिक्षा कार्यालय सप्तरीले जनाएको छ ।
जिल्ला शिक्षा अधिकारी डोलराज पाण्डेका अनुसार यसअघि एसइई परीक्षामा मर्यादा बिपरित चिट चोराउने बोदेवरसाईन मावि परिक्षा केन्द्रका निरिक्षक अजित यादव र पकरी परिक्षा केन्द्रका निरिक्षक सुनित कुमार मिश्रा तथा मोडेल परिक्षा केन्द्र राजविराजका निरिक्षक नारायण ठाकुरलाई समेत निस्कासन गरिएको छ ।
यस वर्ष सप्तरीमा नियमिततर्फ ८ हजार ५ सय १४ र एक्ज्याम्टेडतर्फ १ हजार १३ गरी कुल ९ हजार ५ सय ९७ विद्यार्थी परीक्षामा सहभागी रहेको छ ।
७७ सामुदायिक, ४४ निजी र १ खुला गरी कुल १ सय २२ विद्यालयका विद्यार्थीको लागि ३६ वटा परिक्षा केन्द्र तोकिएको छ ।
प्राविधिकतर्फ बोदे वरसाइन, कल्याणपुर, खुरहुरिया, बोरिया, कट्टी र फत्तेपुर गरी ६ वटा तथा एक्ज्याम्टेडतर्फका विद्यार्थीका लागि राजविराजस्थित राजदेवी र पवि मावि गरी २ वटा परीक्षा केन्द्र निर्धारण गरिएको छ ।
