काठमाडौं।संयुक्त अरब इमिरेटस् (यूएई) ले त्यहाँ जाने कामदारका लागि प्रहरी रिपोर्ट नचाहिने नयाँ नियम ल्याएको छ। अप्रिल १ देखि लागु हुने गरि यूएईको परराष्ट्र मन्त्रालयले यस्तो निर्णय गरेको हो।
यूएई स्थित नेपाली राजदूत सागर फुँयालले अबदेखि नेपाली कामदारलाई प्रहरी रिपोर्ट नचाहिने जानकारी केहीबेर अघि प्राप्त भएको नागरिकन्यूजवाट जानकारी प्राप्त भयो।
दुई महिना अघि यूएई सरकारले नेपाल लगायतका देशबाट जाने कामदारका लागि प्रहरी रिपोर्ट चाहिने निर्णय गरेको थियो। जसका कारण कामदारलाई सास्ती हुँदै आएको थियो।
हाल यूएईमा आधिकारिकरुपमा २ लाख २५ हजार नेपाली रोजगारीमा छन्। अवैध कामदार समेत गरेर करिब ४ लाख नेपाली यूएईमा रहेको अनुमान गरिन्छ।
