काठमाडौं । आज केपी ओली सरकारमा दुई जनालाई उपप्रधानमन्त्री बनाएका छन् । प्रधानमन्त्री ओलीले रक्षामन्त्री ईश्वर पोखरेल र स्वास्थ्यमन्त्री उपेन्द्र यादवलाई उपप्रधानमन्त्री बनाएका हुन् ।
संघीय समाजवादी फोरमबाट दुई मन्त्री थप्ने क्रममा ओलीले पोखरेल र यादवलाई उपप्रधानमन्त्री बनाइएका हुन् ।
यसअघि प्रधानमन्त्री ओलीले उपप्रधानमन्त्री नबनाउने बताएका थिए । अब प्रधानमन्त्री ओली नेतृत्वको सरकारमा दुई उपप्रधानमन्त्री हुनेछन् ।
यस्तै सञ्चार राज्यमन्त्री रहेका गोकुल बास्कोटा मन्त्री बनेका छन् । बास्कोटाले सञ्चारमन्त्रीको जिम्मेवारी पाएका प्रधानमन्त्रीका राजनीतिक सल्लाहकार बिष्णु रिमालले जानकारी दिए ।
