राजविराज । स्फोनसरशिप कार्यक्रम अन्र्तगत मेरो पहिलो बच्चा कार्यक्रम सम्बन्धी बिभिन्न सहजकर्ताहरुलाई पाँच दिने तालिम सुरु गरेको छ ।
सवल नेपालले राजविराजमा आयोजना गरेको तालिममा प्राथमिक स्वास्थ्य केन्द्र अन्र्तगत साबिकको कल्यानपुर गाविसको ९ वटै वडालाई लक्षित गरी मेरो पहिलो बच्चा कार्यक्रम सम्बन्धी तालिमको आयोजना गरेको हो ।
९ वटै वडाका १८ जना महिलाहरुलाई सहभागि गरि तालिम सुरु गरिएको सवल नेपालले जनाएको छ ।
सेभ द चिल्ड्रेनको सहयोगमा आयोजना गरेको उक्त तालिममा जिल्ला जनस्वास्थ्य कार्यालयको अबिका औली, सबल नेपालका कार्यक्रम स्वास्थ्य संयोजक शिवशंकर यादव लगायतकाले प्रशिक्षण दिईरहेको सवल नेपाल फिल्ड औफिसर ममता यादवले जानकारी दिनुभयो ।
