सप्तरीको राजविराजमा एक जना मृत ब्यक्ति झुण्डिएको अबस्थामा फेला परेको छ।
राजबिराज स्थित महेन्द्र क्लब भवनको झ्यालको फलामे छडमा पासो झुण्डिएको अबस्थामा फेला परेको हो।
मृत ब्यक्ति छिन्नमस्ता गाउँ पालिका वडा नम्बर ५ गोविन्दपुर घर भएको ५० वर्षीय सुधिर झा रहेको पहिचान खुलेको छ।
मृतक झाको ससुराली तिलाठी भई राजविराज स्थित गजेन्द्र नारायण सिँह अंचल अस्पतालमा पुर्जा (बिल) काट्ने काम गर्दै आएको थियो।
आईतबार विहान मृतक झाको शव क्लबको झ्यालमा झुण्डिएको अबस्थामा देखेर स्थानीयहरुले तत्काल प्रहरी निकायमा सूचना दिएका थिए।
मृतक झाले आफै आत्महत्या नगरी कसैले उनलाई मारेर झुण्ड्याएको हुन सक्ने आशंका गरिएको छ।
