भारदहको कंकालिनी भगवती मन्दिर भित्र एक पसलमा आगलागी लाखौंको छेत्ती

भूपदेव माली
पौष १४ गते, सप्तरी।
सप्तरीको भारदह स्थित रहेको कंकालिनी भगवती मन्दिर परिसर भित्रका एक पसलमा गए राती आगलागी हुदा लाखौंको छेत्ती भएको छ।
मन्दिर परिसरको अगाडी रहेको सेटर कोठामा राति ०१:०० बजेको समयमा आगलागी हुदा लाखौंको छेत्ती भएको हो।
उदयपुर हडैया बस्ने पुनम दासले पसल गर्दै आएको सो पसलमा लगभग तिन लाख बराबरको कस्मेटिक, गिफ्ट, फ्रिज ,र्याक आदि सरसमान जलेर नष्ट भएका छन् ।
राति आग लागि भएको अवस्थामा स्थानीयहरूले देखेपछि तत्काल बारुन यन्त्रलाई फोन गरेपछि हनुमाननगर कंकालिनी नगरपालिकाका वारुणयन्त्र आएपछि आगोलाई नियन्त्रणमा लिइएको थियो।उक्त पसलमा आगलागी के कुन कारणले भएको हो भन्ने यकिन गर्न सकेको छैन।
पसले उदयपुर, हडैया घर भइ माईती घर भारदहमा बुवा आमा संगै रही पसल गरिरहेकी थिइन्।