न्युज 1नेपाल संवाददाता राजविराज, १४ पुस ।
सप्तरीको छिन्नमस्ता गाउँपालिकाला बालविवाह मुक्त पालिका घोषणा गरेको छ ।
छिन्नमस्ता गाउँपालिकाको छिन्नमस्ता भगवति मन्दिर अगाडी आईतवार आयोजित एक समारोह बीच पालिकालाई बालविवाह मुक्त घोषणा गरिएको हो ।
छिन्नमस्ता गाउँपालिकाला मधेश प्रदेशका तेस्रो वाल विवाह मुक्त बन्न पुगे छ।यसअघि मधेश कै पहिलो र दोश्रो बालविवाह मुक्त पालिका घोषणा हुने पालिका पनि सप्तरीकै सुरुङ्गा र खडक नगरपालिका छन् ।
आयोजित समारोहलाई मधेश प्रदेशका मुख्यमन्त्री सतिशकुमार सिंहले दिप प्रज्वलन तथा बालविवाह मुक्त लेखिएको ब्यानर पढेर घोषणा सभाको उद्घाटन गरे ।
उद्घाटन पछि कार्यक्रममा सम्बोधन गर्दै मुख्यमन्त्री सिंहले मधेश प्रदेशलाई नै बालविवाहमुक्त पालिका बनाउने योजना रहेको सुनाउदै बालविवाहले निम्त्याउने स्वास्थ्य, पारिवारीक, समाजिक तथा आर्थिक समस्याका बारेमा चलाइएको सचेतना अभियानलाई प्रभावकारी ढंगले अघि बढाइने बताए।
बालविवाह पालिका घोषणा गर्न विगत एक वर्षदेखी सेभ द सप्तरी, सेभ द चिल्ड्रनको सहयोग तथा गाउपालिकाले सबैको साथ लिई बालविवाह मुक्त अभियान संचालन निर्देशीका २०८० बमोजिम गरेको विभिन्न कार्यक्रम अभियान र प्रयास पश्चात १२ बुँंदे स्पष्ट सूचक प्राप्त भएकाले त्यसैका आधारमा यस्तो घोषणा गरिएको गाउँपालिका अध्यक्ष विद्यानन्द चौधरीले आफ्नो भनाई राखे ।
नेपालको कानुनले विवाह गर्ने उमेर २० वर्ष तोकेको छ । त्यसैकारण घोषणा सभाको मुख्य नारा “नै करु वियाह के बात, बियाह करु बीस के बाद” (केटा केटीको उमेर २० वर्ष नपुगे सम्म विहेको कुरा नसोचौ नगरौ) तय गरिएको अध्यक्ष चौधरीले बताए ।
कार्यक्रममा ‘अभिभावकले समेत सन्तानको उमेर नपुगी बालविवाह नगर्न-नगराउने कतै भए सहभागी नभई विरोध र अवरोध गर्ने प्रतिबद्धता जनाएपछि बालविवाह मुक्त पालिका घोषणा गर्न सहज भएको’ सेभ द सप्तरीका परियोजना संयोजक विष्णुकान्त देवले आफ्नो भनाई राखेका थिए।
घोषणा सभामा पालिका उपाध्यक्ष राजुदेवी यादव, प्रहरी उपरिक्षक ढकेन्द्र खतिवडा, सेभ द चिल्ड्रेनका प्रतिनीधी एसबीर थारु मगर, सशस्त्र प्रहरी उपरिक्षक ज्ञानमणी पौडेल, बडाअध्यक्ष विजय यादव लगायत विभिन्न ब्यक्तित्वहरुले शुभकामना दिएका थिए ।
