भूपदेव माली
१० माघ१० गते, सप्तरी।
सप्तरीको विष्णुपुरमा कोशी पश्चिमी नहरको डिल छेउमा बुधबार एक किशोरीलाई बलात्कार गर्ने युवकलाई प्रहरीले पक्राउ छ।
बुधबार किशोरीलाई बलात्कार गर्ने युवकलाई विष्णुपुर गाउँपालिका वडा नं ७ स्थित सडकबाट सप्तरी प्रहरीले पक्राउ गरिएको हो।
बुधबार बिहान ५ बजेर ४५ मिनेटको समयमा कक्षा ११ मा अध्ययनरत किशोरी सधैँ जस्तै राजबिराज स्थित क्याम्पसतर्फ गइरहेकी ती किशोरीलाई विष्णुपुर गाँउपालिका ७ स्थित कोशी पश्चिमी नहरको दक्षिणी डिलछेउमा एक युवकले बलात्कार गरेको जिल्ला प्रहरी कार्यालय सप्तरीका प्रवक्ता डीएसपी जितेन्द्र कुमार बस्नेतले एक विज्ञप्ति जारी गरी जानकारी गराए । किशोरीलाई जबरजस्ती कर्णी गरिरहँदाको अवस्थामा प्रतिकार गर्ने क्रममा किशोरीको बाँया हात भाँचिएको र शरीरका विभिन्न भागमा नीलडामको चिन्ह रहेको बस्नेतले जानकारी दिए ।
पीडिताको जाहेरीको आधारमा विष्णुपुर गाउँपालिकाकै आरोपी अकलेश कुमार मण्डललाई सप्तरी प्रहरीले नियन्त्रणमा लिई सप्तरी जिल्ला अदालतबाट जबर्दस्ती कर्नी कसुरमा म्याद थप गरी अनुसन्धान सुरु गरिएको डीएसपी बस्नेतले जनाए ।
