न्युज 1नेपाल
जेठ १६ गते , सप्तरी । श्रीलङ्कामा अपदस्थ राष्ट्रपति गोटाबाया राजपाक्षेको सरकारका दुई पूर्वमन्त्रीलाई अदालतले विहिबार भ्रष्टाचारको मुद्दामा जेल सजाय सुनाएको छ ।
श्रीलंकाका पूर्व खेलकुदमन्त्री महिन्दानन्द अलुथगामगे र पूर्व व्यापारमन्त्री अनिल फर्नान्डोलाई भ्रष्टाचारको मुद्दा परेपछि बिहीबार कोलम्बो उच्च अदालतले राज्यको कोषको पाँच करोड ३० लाख रुपैयाँ (एक लाख ७७ हजार डलर) दुरुपयोग गरेको अभियोगमा दोषी ठहर गर्दै सधैँ सुनाएको छ ।
गोटाबायाका जेठा दाइ महिन्दा राजपाक्षेको सन् २०१५ को पुनःनिर्वाचनको असफल प्रयासलाई बढावा दिने प्रयासमा १४ हजार क्यारम बोर्ड र ११ हजार ड्राफ्ट सेटसहित बोर्ड गेम दान गर्न सरकारी पैसा प्रयोग गरेकामा ती जोडीलाई अदालतले दुईहजार डलर जरिवाना समेत गरिएको छ ।
अलुथगामागेलाई २० वर्षको जेल सजाय सुनाइएको छ । फर्नान्डोलाई २५ वर्षको सजाय सुनाइएको छ । अलुथगामागे अहिले भ्रष्टाचारको आरोपमा सफलतापूर्वक मुद्दा चलाइएको राजपाक्षे नेतृत्वको मन्त्रिमण्डलका सबैभन्दा वरिष्ठ सदस्य छन् ।
राजपाक्षे दाजुभाइहरू सत्ताबाट बाहिरिएपछि छ वर्षअघि दुवै जना विरुद्धको मुद्दा सुरु भएको थियो, तर गत वर्ष नयाँ सरकार गठन भएपछि राजनीतिक रूपमा कमजोर हुँदै गएकोले विपक्षी बलियो भएर लागेपश्चात मुद्दाको छिनोफानो भएको हो। योभन्दा पूर्व यो मुद्दा सुस्त गतिमा अघि बढिरहेको थियो ।
