भूपदेव माली
जेठ २० गते, सप्तरी।
दनुवार जागरण समिति सप्तरीको अधिबेशन जेठ २८ गते हुने निर्णय भएको छ ।
दनुवार जागरण समिति सप्तरीका अध्यक्ष खेमराज सिंह दनुवारको अध्यक्षतामा मंगलबार बसेको जिल्ला कार्यसमितिको बैठकले सो निर्णय गरिएको हो।
बैठकले सप्तरीको अग्नीसाइर कृष्णासवरन गाउँपालिका १ घोघिदहामा जिल्ला अधिबेशन गर्ने निर्णय गरिएको बताएको छ।
बैठकले अधिबेशन मुल व्यवस्थापन तथा तयारी समिति, सल्लाहकार समिति र प्रचारप्रसार समिति समेत गठन गरिसकेको अध्यक्ष दनुवारले जानकारी दिए ।
विष्णुदेव सिंह दनुवारको संयोजकत्वमा रणुदेव सिंह सह- संयोजक, अशोक कुमार सिंह सचिव र रामगेन सिंह दनुवार अनिता सिंह दनुवार, निलम सिंह दनुवार रहेको ६ सदस्य मुल व्यवस्थापन तथा तयारी समिति, विष्णुदेव सिंह,शिवनन्दन सिंह र देवानन्दन सिंह रहेको ३ सदस्य सल्लाहकार समिति गठन गरिएको दनुवार जागरण सभा सप्तरीका सचिव उपेश कुमार सिंह दनुवारले जानकारी दिनुभयो ।
यसैगरी खेमराज सिंह दनुवार,विन्देश्वर सिंह,सत्रुधन सिंह,सुर्यदेव सिंह उमेश कुमार सिंह रहेको ५ सदस्यीय प्रचारप्रसार समिति समेत गठन गरिएको उनले जानकारी गराए ।
‘आदिवासी दनुवारको विषेश क्षेत्र संरक्षित क्षेत्र र स्वयत्त क्षेत्र कायम गर’ भन्ने मुल नाराकासाथ सप्तरीको अग्नीसाईर कृष्णासवन गाउँपालिका १ स्थित जण्डोल-घोघिदाहामा हुने जिल्ला अधिबेशन दनुवार जागरण समितिका केन्द्रीय अध्यक्ष राम कुमार सिंह दनुवारले उद्घाटन गर्ने दनुवार जागरण समिति सप्तरीले जनाएको छ ।
