भारतमा तेलंगानाको एक कारखानामा भएको विस्फोटमा ३६ जनाको मृत्यु ,२४ जना बेपत्ता, ३५ जना घाइते

न्युज 1नेपाल
असार १७, दिल्ली —भारतको मध्य दक्षिणी प्रदेश तेलङ्गाना राज्यको संगारेड्डी जिल्ला स्थित एक औषधि उत्पादन कारखानामा सोमबार एक्कासी भएको विस्फोटमा परी ३६ जनाको मृत्यु हुन पुगेको छ ।
कारखानामा भएको विस्फोटपछि भवनको ठूलो भाग भत्किएर तहसनहस भएको छ । सो जिल्लाका दमकल अधिकृत बी. नागेश्वर रावका अनुसार अहिलेसम्म मृतकको संख्या ३६ बताइएको छ। मृतकमध्ये २३ जनाको पहिचान भइसकेको छ भने दुर्घटनामा ३५ जना अरु घाइते भएका छन् ।
प्रशासनका अनुसार अझै २४ जना बेपत्ता रहेका छन् । उनीहरुको खोजी भइरहेको छ । ५७ जनालाई भने सुरक्षित निकालिएको जनाएको छ ।

यस घटनाको कारण पत्ता लगाउन अनुसन्धान भइरहेको छ । भारतमा दुर्घटनाहरू प्राय: कारखानामा नै हुने गरेको पाइन्छ।