न्युज 1नेपाल सम्वाददाता
फागुन २८, काठमाडौं। नेपाल कम्यूनिष्ट पार्टी (एमाले) का केन्द्रीय सदस्य तथा कास्की जिल्ला इञ्चार्ज कृष्ण थापाको असामयिक निधन भएको छ ।
बिहीबार पार्टीको समिक्षा बैठक लगत्तै उनलाई हृदयघात भएर मृत्यु भएको हो।
कास्की क्षेत्र नम्बर १ को निर्वाचन समीक्षा बैठक सकिए लगत्तै थापालाई अचानक हृदयघात भएको थियो । उनलाई तत्काल उपचारका लागि पोखरास्थित मणिपाल शिक्षण अस्पताल पुर्याइएको भए पनि चिकित्सकहरूले उनलाई मृत घोषणा गरेका कास्की जिल्ला कमिटीको सचिव दर्शन लामाले बताए ।
थापा नेकपा एमालेका एक प्रभावशाली नेता थिए । उनी २०५४ सालमा पोखरा उपमहानगरपालिकाको मेयरमा निर्वाचित समेत भएका थिए । २०७४ सालमा उनी गण्डकी प्रदेश सभा सदस्य पदमा निर्वाचित भएका थिए ।
