१० मंसिर, सप्तरी। कप्तान विराट कोहलीले आक्रामक दोहोरो शतक बनाएपछि भारतले श्रीलंकाविरुद्धको दोस्रो टेस्टको तेस्रो दिन शनिबार पहिलो इनिङ्समा ४ सय ५ रनको विशाल अग्रता लिएको छ ।
यससँगै टेस्टमाथि भारतको पूर्ण नियन्त्रण कायम भएको छ र तीन टेस्टको सिरिजमा अग्रता लिनसक्ने स्थितिमा पुगेको छ ।
भारतले आफ्नो पहिलो इनिङ्स छ विकेट गुमाएर ६ सय १० रनको ठूलो स्कोरमा टुंगेको घोषणा गरेको थियो ।
रोहित शर्माले १ सय २ रन बनाउँदै आफ्नो शतक पूरा गरेपछि भारतले इनिङ्स समाप्तीको घोषणा गरेको हो । श्रीलंकाले आफ्नो दोस्रो इनिङ्स सुरु गर्दै एक विकेट गुमाएर २१ रन बनाएको छ र दबाबको स्थितिमा फसेको छ ।
श्रीलंका अझै भारतको अगाडि ३ सय ८४ रनले पछाडि छ ।
