चीनको तिब्बत केन्द्रविन्दु भएको भूकम्प मधेस सम्म

न्युज 1नेपाल संवाददाता
पौष २३ गते,सप्तरी।
छिमेकी राष्ट्र चीनको तिब्बत केन्द्र विन्दु भएको भूकम्पको झट्का मधेसमा पनि महसुस गरिएको छ।
मङ्गलबार बिहान ६:५० बजेको समयमा सप्तरी, सुनसरी आदि क्षेत्रमा भूकम्पको समान्य झट्का महसुस गरिएको हो।
नेपालको सिमाना सँगै जोडिएको चिनको तिब्बत स्थित डिङ्गे काउन्टी केन्द्रबिन्दु भएको भूकम्प ७ रेक्टर स्केल म्याग्निच्युड धक्का मध्ये मधेशमा ५ .३ म्याग्निच्युड भूकम्प गएको जनाएको छ ।
नेपालको सखुवा सभा, भोजपुर तेह्रथुम, ओखलढुङ्गा, सोलुखुम्बु आदि जिल्लाहरूमा कडा झट्का देखिए पनि कुनै प्रकारको मानवीय क्षति तथा धनजनको क्षति नभएको र सो भूकम्प मधेश आउँदासम्म सामान्य झट्का मात्र महसुस गरिएको राष्ट्रिय आपत्कालीन कार्य सञ्चालन केन्द्र काठमाडौँले जनाएको छ।
भूकम्पको महसुस भएको क्षेत्र नेपालका कोशी प्रदेश, मधेश प्रदेश र बागमती प्रदेशका जिल्लाहरूमा गरियो। बागमती प्रदेशका काठमाडौँ उपत्यका र उत्तरतर्फका तिब्बतसँग सिमाना जोडिएका जिल्लाहरूमा कडा धक्का /कम्प महसुस गरिएको थियो।
भूकम्पको केन्द्रबिन्दुबाट मधेससम्म एपीसेक्टरको औसत दूरी ९० किलोमिटर रहेको छ।चीनको तिब्बतमा गएको भूकम्पमा कम्तीमा ९५ जनाको मृत्यु भएको छ । चिनियाँ सञ्चार माध्यम सीजीटीएनका अनुसार चीनको सिजाङ स्वशासित क्षेत्रको डिङ्ग्री काउन्टीमा गएको भूकम्पमा परी घाइते हुनेको संख्या १३० नाघेको छ ।
नेपालको उत्तरपूर्वी सीमानजिकै चीनको सिजाङ स्वशासित क्षेत्रको डिङ्ग्री काउन्टी केन्द्र भएर भूकम्प गएको भूकम्प मापनसम्बन्धी चीनको आधिकारिक निकाय चाइना अर्थक्वेक नेटवर्क्स सेन्टरका अनुसार स्थानीय समयअनुसार बिहान ९ बजेर ५ मिनेट जाँदा ६.८ म्याग्निच्युडको भूकम्प गएको र सेन्टरका अनुसार भूकम्पको उद्गम बिन्दु(गहिराइ) १० किलोमिटर रहेको छ । सीसीटीभीका अनुसार भूकम्पको केन्द्रबिन्दुको ५ किलोमिटर आसपासमा ७ वटा गाउँ रहेका छन् । त्यस्तै केन्द्रबिन्दुको २० किलोमिटर आसपासमा भने २ वटा सहर रहेका छन् । भूकम्पका कारण भवनहरू भत्किएको भिडियो र तस्बिरहरूसमेत सार्वजनिक भएका छन् । चिनियाँ सञ्चारमाध्यमहरूका अनुसार भूकम्प प्रभावित क्षेत्रमा राहत र उद्धार टोली खटिइसकेका छन् ।

भूकम्पको बिजोग स्मरण गर्दा नेपालमा २०७२ साल वैशाख १२ गते ७.६ म्याग्निच्युडको गोरखा भूकम्पमा परि करिब ९ हजार मानिसको मृत्यु भएको थियो।

यूएस जियोलोजिकल सर्वेले भने उक्त भूकम्पको मापन ७.१ म्याग्निच्युड रहेको जनाएको छ । नेपालको राष्ट्रिय भूकम्प मापन केन्द्रले ७.० म्याग्निच्युडको भूकम्प गएको जनाएको छ । भूकम्पको धक्का नेपालका विभिन्न जिल्लासँगै भुटानको थिम्पु, भारतको बिहार र बंगलादेशसम्म पनि महसुस गरिएको समाचारहरू आएका छन् ।